آذربايجان خالق جمهوريتينين 100 ايلليگي تؤره‌نينده گونئي آذربايجان تورکونو قتل عام ائدن پهلوينين اوغلونون دعوتينه اعتراضيميزي بيلديريريک

آمريکانين واشينگتون شهرينده آذربايجان سفيرليگينين تشکيل ائتديگي جمهوريتيميزين 100 ايلليگي موناسيبتينه کئچيريلن مراسيمده اوزونتولو صحنه يه شاهيد اولدوق. آذربايجان تورکلريني قتل عام ائديب، قان اوددوران پهلوي سولاله‌سينين قالينتيسي رضا پهلوينين هئچ بير سياسي فيقور يا مسئول اولماماسينا رغماً آذربايجان جمهوريتي طرفيندن رسمي قوناق اولاراق، دعوت اولونماسيني بوتون گونئي آذربايجان تورکونه تحقير، مينلرله شهيديميزين قانينا سايغيسيزليق و گونئي آذربايجانا آرخا چئوريمک کيمي گؤرونمکده دير. داها اوزونتولوسو بوردادير کي، بو اورک آجيدان حاديثه هئچ ده تصادوفي دئييل و حتّي آذربايجانين ايراده‌سيندن خاريج کيمي گؤرونور. پهلويني سياسي آلتئرناتيو گؤسترمه‌يه چاليشان اوداقلارا، گونئي آذربايجان تورکو ايله آلاي ائتمگي بوراخيب و مسئله‌لره داها دا رئال باخماغا چاغيريرق. چونکي، گونئي آذربايجان تورکونون ايراده‌سيني گؤرمه‌مزليکدن گلن هر هانسي بير پروژه و آلتئرناتيو کسينليکله گونئي آذربايجان تورکونون شيلله‌سي ايله قارشيلاشيب، يئنيليگييه اوغراياجاقدير.
گونئي آذربايجان ايستيقلالچيلار بيريليگي (گايب) رضا پهلوينين آذربايجان جمهوريتي مراسيمينه دعوتينه شيدّتله اعتيراضيني بيلديريب، آذربايجان جمهوريتيميزين يئتگيليلريندن آچيقلاما گؤزله‌مکده‌دير. بونونلا ياناشي بيلديرمک ايسته ييريک کي، گونئي آذربايجان تورکو ايران ايشغالينا قارشي قورتولوش ساواشيني ايصرارلا داوام ائديب، موستقيل گونئي آذربايجان جمهوريتيني قوراجاقدير. گايب اعلان ائدير کي، ايران آدي و ترکيبينده هئچ بير دؤولت هئچ بير آد و ماهيتله قبول ائديلمز و گونئي آذربايجان تورکلري اولاراق، بوتون گوجوموزله اونا قارشي ساواشيب، مغلوب ائده‌جگيک.
گونئي آذربايجان ايستيقلالچيلار بيرليگي (گايب)

Your email will not be published. Name and Email fields are required