آذربایجان میللتینه موراجیعت

حورمتلی وطنداشلار
ایران دئییله ن یئرده موجود رئژیمی حاکمیته گتیره ن خاریجی قووه لر، بو رئژیمده ده ییشیکلیلر آپارماق قرارینا گلمیشلر . بو ایش اوچون حاضیرلیق ایشلری آپاریلماقدادیر. اوزلرینی آلتیرناتیو گوستره ن قووه لرله وچئشیدلی شخصیلرله دانیشیقلار آپاریریلار. آمما بو کئچه ن ۴۰ ایلده اوزلرینی موخالیفتده گوره نلر تاریخدن درس آلمامیشلار. هله حاکیمیته گلمه دن فارس ایرقچیلیغینی ـ کوروش چولوغو اوزلری اوچون بیر ایدولوژی سئچمیشلر. بو فارس آزلیغی ایران دئییله ن میللتلر دوسداغیندا، ایندیلیک یاشاماق زوروندا اولان میللتلری تانیمیزلار. اوزلری نین هیندوستان و افغانیستاندان گلدیکلرینی اونودورلار. ایرانچیلیغی ، فارس ایرچیلیغی تبلیغ ائدیرلر. اونلارین بو ایرقچی دوشونجه لری آذربایجان تورک میللتی اوچون بللی دیر.، تازالیغی یوخدور. اینگیلیسلر طرفیندن کودتا ایله حاکمیته گتیریله ن رضا میرپنج دوروندن بو سیاست باشلامیش و بوگونده دوام ائتمکده دیر.
ده یرلی وطنداشلار
ایران دئییله ن یئرده قارشیدان گله ن گونلر ، میللتیمیز اوچون تاریخی بیر شانسدیر. فارس اسارتیندن قورتولماق اوز ائویمیزده اوز آغامیز اولماق آنا هدفیمیز اولمالیدیر . طبیعی اولاراق خاریجی قووه لر بیر عده اوزوموزدن اولان پول ؛ مقام ، آد دوشکونو اولانلاری تا پیب ، میللتیمیزین تمثیلجیسی کیمی گوسترمک ایستیه جکلر. تیکرار میللتیمیزه وعده ـ وعید لر وئرمه یه چالیشاجاقلار. بیز خاریجده وداخیلده بو گلیشمه لرین شاهیدی ییک . بونا گوره ده بیز ایستیقلالچی تشکیلاتلار، میللی و تاریخی وظیفه میز . و میللی بورجوموز اولاراق میللتیمیزه موراحیعت ائدیب ، چئشیدلی یئرلی و خاریجی قووه لرین بو اویونلارینا گلمه مه لیرینی تووصیه ائدیریک . بیزه گوره میللتیمیزین نجاتی و خوشبخت لییی آذربایجانیمیزین مستقیللی یینده دیر. تکجه نجات یولوموز ایستیقلالیت دیر. اوزوموز ـ اوز آغامیز اولمالی ییق. بیز هر چئشید ایرقیچیلیغی رد ائدیریک. مستقیل آذربایجانیمیزدا چوخ فیرقه لی، پارلئمئنتاریزیم اوصولونا دایانان ،سئکولئرـ لاییک حقوق دوولتی یاراتماق ایسته ییریک .منطقه میزده باریش، اولکه میزده اقتیصادی و ایجتماعی گلیشمه آنا هدفیمیزدیر . بیزیم بو مستقیللی ییمیز یالنیز ۴۰ میلیونلوق آذربایجان تورک میللتی نین خئیرینه یوخ ، حتا منطقه میزده اوز چیخارلارینی دوشونن بویوک دوولتلرینده خئیرینه دیر.

یاشاسین میللی قورتولوش ساواشیمیر
وار اولسون واحید مستقیل آذربایجان

Your email will not be published. Name and Email fields are required