ایران رئژیمی نین موخالیق قووه لریله میللی حرکتی نین بیرلشمه سی ایمکانسیزدیر

گونئی آذربایجانین میللی حرکتی ماهییت جه آذربایجان و آذربایجانین گله جه یینه خاص اولان بیر حرکتدیر . ایران آدلانان اولکه چرچیوه ایچینده هر هانسی بیر آدلا و شکیلله آپاریلان ده ییشیکلیک بیزیم مسئله میز دئییلدیر. بیزیم بیر هوییتیمیز وار اودا آذریجان للیقدیر .
آذربایجانلی همده ایرانلی اولماق مومکون دئییلدیر. چونکی ایکی هوییتلی بیر میللت اولماز. بعضیلری آسیمیلاسیون یاخود هر هانسی سببلر اوزوندن بو مستعمره حیاتینی قبول ائدیب ، اونون دوامینا چالیشیرلارسا تاسوف ائدیجی دیر. بو میللی حرکتین یولو دئییلدیر.
بوگون آذربایجان میللی حرکتینی چئشیدلی یوللارلا کونترول و بایکوت ائتمه یه چالیشان و گورمه مزلیک سیاستی یوروده ن گوجلر بوگون گونئی آذربایجان گرچک و رئالیقلاریلا اوزلشمک زوروندا قالمیشلار. ایران آدلانان یئرده آذربایجانلیلار قاتیلمادان هئچ بیر ده ییشیمین آپاریلماسی نین مومکون اولمادیغینی آنلایان غربیلی لر بو ده فعه آذربایجان میللی حرکتینی ایران موخالیفتی نین (اوپوزیسیونو) آلتینا چکمه یه چایشیرلار. تاکی بوگوجدن اوز مقصدلری اوچون یارارلانسینلار و میللی حرکتین ایستیقامتینی « گئدیش یولونو » ده ییش سینلر.
ایران ایشغالچی رثژیمینه قارشی موباریزه ده پرنسیبلریمیزه اویقون اولان بوتون ایمکانلاردان فایدالانماغین ضرورییتینی درک ائتدیمیز حالدا ، کسین لیکله بونو قئید ائتمک ایسته ردیک کی ، ایران اوپوزیسیونو ایله بیر آرایا گلمک، ویا بیرلشمک ایران چیلیغی و ایران دوولتینی قبول ائتمک معناسینا گلیر. داها ایلک باشدا دئدییمیز کیمی . ایرانلیلیق هویتینی قبول ائتمک و آذربایجانلیلیق هوییتیمیزی قوربان وئرمک دئمکدیر. باشقا بیر سوزله ده دئسک اوز وارلیغیمیزی دانماقدیر .
گونئی آذربایجان میللی حرکتی ایران آدلانان یئرده رئژیمین علئیهینه اولان قووه لرله هر هانسی امکداشلیق و موذاکیره دن قاباق بللی شرط لرین یئرینه گتیریلمه سینی ایسته ییر. اودا آذربایجانا و آذربایجان تورک میللتینه قارشی آپاریلمیش جینایتلر اوچون عذر ایسته مک ، آذربایجانین ایشغال اولدوغونو قبول ائتمک و بو ایشغالا سون قویما اوصوللارینی اورتایا قویماقدیر.
باشقا بیرسوزله دئسک، ایران آدلانان یئرین موخالیف قووه لری و اونلاری حمایت ائده ن خاریجی قووه لر، ایستیقلالییتی آذربایجان میللتی نین طبیعی حاقی اولدوغو نو رسمی شکیلده اعلان ائتمه دیکلری مدتجه ، اونلارلا موذاکیره دن صحبت گئده بیلمه ز. غرب داییره لری نین بیر عده اوزوموزده ن اولان اوزگه لری آذربایجان میللتی نین تمثیلچیسی کیمی گوسترمه جهدلرینی قیناییب و میللتیمیزه آرخادان خنجر وورما کیمی ده یرلندیریریک. شخصی چیخارلارینی مللتیمیزین و آذربایجانیمیزین چیخارلارینا اوستون توتان بئله شخصیلر ایسه میللتیمیزین قارشی سیندا اوزو قاراولوب ، تاریخده خائن آدلانان شخصیلر اولاجاقلار.
بیز گونئی آذربایجان ایستیقلالچیلار بیرلی یی اولاراق یوخاریدا قئید ائدیله ن شرط لریمیز قبول ائدیلمه دییی مدتجه هر هانسی بیر ایران موخالیفتی ایله بیر میز باشیندا اوتورماغی و موذاکیره نی رد ائدیریک
گونئی آذربایجان ایستقلالچیلار بیرلییی

Your email will not be published. Name and Email fields are required