قهرمان غئیرتلی آذربايجان ميللتی !

اوز چیخار و منافعلرینی دوشونن دولتلر، اوزون وعده لی (مدت لی) برنامه لری اساسیندا ،ایرقچی پهلوی رئژیمینی، ایش باشینا گتیرمکله ، ایران آدلانان اولکه ده غیر فارس میللت لره قارشی فیزیکی و کولتورل سوی قریمی باشلادیلار!
یئنی حاکمییته گئتیریله ن رئژیم ، اوز استراتژیسین تک میللت ، تک دولت ، تک دیل اولاراق اورتایا قویاراق ؛ غیر فارس میللت لری اوز ایچینده اریتمه سیاستینی، بوتون باسقی ( فشار )ایمکانلارینی ایشه سالاراق ازمه یه باشلادی!
دولت اداره لرینده ، مطبوعات ، رادییو ـ تئلویزییا دا و خصوصیله ایله مکتب لرده فارس دیلی و ساختالاشدیریلمیش تاریخلر اوخودولماغا باشلاندی. باشقا میللتلرین دیللری یاساقلاندی( قدغن ائدیلدی ). عین زاماندا اونلاردا اوزلرینی کیچیک گورمه نوطفه سینی قویماق اوچون ، سیستماتیک اولاراق توهین ، تحقیر گون مسأله سینه چوریلدی. بو میللتلره عایید تاریخی اٍثرلر داغیدیلاراق ، کولنور و مدنییتلری یوخ ائدیلمه یه چالیشیلدی .
بیرلشمیش میللتلر تشکیلاتی نین اینسان حاقلاری بیاننامه سینده ، ديل اينسانين توپلوم گلیشمه سینده ، اینسان شخصيتی نین تکامولونده، ايجتيماعی قايدالارين اؤيرنمه‌سينده ،مدنی ده يرلری منیمسه مئسینده ، جمعيتين بوتون عضولرينی بير ـ بیرلرینی درک ائدیب ، بیر آرادا یاشایا بیلمه لری اوچون اساس و اهميتلی عامیللردن ساییلیر. چونکی اينسان دانيشديغی اوز آنا ديلده دوشونور، يارادير و دوشوندويو کيمی حرکت ائدیر.
آنا دیلی آنا بطنینده اینسان ائولادینا وئریلمیش آن ده یرلی بیر هدییه دیر. ، دوغومو ايله بیرليکده قازانديغی ایلک حاقلاریندان بیری ساییلیر. مدنی توپلوملاردا قبول ائدیلمیش دیر حقیقت دیر. بونا گوره ده بین الخالق حقوق دا واینسان حاقلاری بیاننامه سی نین آنا تملی و پایاسی ساییلیر. دارتیشیلمادان بوتون دولتلر و میللتلر طرفیندن قبول ائدیلیر. یالنیز تئهران رئژیملری کیمی ایرقچی رئژیملر بونو قبول ائتمک ایسته میرل . ایرقچیلیقدان کور اولدقلاری اوچون باشقا میللتلرین ده اوزلری نین آیری بیر دیلی اولدوغونو گوره بیلمیرلر.
بیرلشمیش میللتلرین ۱۹۴۸ ـ نجی ایلده یایینلادیغی بین الخالق اینسان حاقلاری بیاننامه سینده بئله يازير:
“هئچ بیر کس ؛ ايرق، رنگ، جينسيت، ديل، دين، چئشیدلی سياسی گوروشونه ، ميللی و ايجتيماعی منشاء ینه ، دوغوم یاخود بنزری ایستاتوسونه گوره هر هانسی بير آيری- سئچکيلي یه معروض قالا بیلمه ز .« .
ایران آدلانان اولکه ده ایرقچی- ایشغالچی رئژیمین عکسینه چاغداش دونيامیزدا بیر توپلومدا چئشیدلی دیللرین و کولتورلرین اولماسی، بیر زنگین لیک کیمی ده یرلندیریلیر.
آوروپا اولکه‌لرينين بير چوخو و حتی عراق و افغانستاندا بيردن چوخ ديلله تحصيل ائتمک بیر حق اولاراق رسمییته تانینیب دیر.!
بو گون چاغداش دونیادا، میللت لرین اوز آنا دیللرینده تحصیل آلمارینی انگلله مک و آنا دیلده تحصیل آلمالارینی یاساقلاماق”میللی و کولتوره ل قیرقین و سوی قیریم” اولا‌راق تانیلیر .
مکتب لرین آچیلیشی و آنا دیلده تحصیل آلماق ، دونیادا و خصوصیله مدرن و مدنی توپلوملاردا جوشقو و شئنلیکله حیاتا کئچیریلسه ده ، یازیقلار اولسون کی، ایرقچی فارسلارین اسارتینده اولان میللت میزین بالالاری بو دوسداقدا مکتب لرین آچیلیش گونونده اوز آنا دیللریندن محروم ائدیله ره ک، زور ـ زوراکی یاد دیلی اولان فارسجا اویره نمک زوروندادیرلار. باشقا سوزله دئسک، بیر مهر مکتبلرین آچیلیش گونو یالنیز اوشاقلاریمیز اوچون یوخ ، بلکه بوتوو میللتیمیز اوچون بیر ماتم گونودور. حقیقتده میللتیمیز اوچون اویقولانان میللی ـ کولتوره ل سوی قیریمی نین باشلانقیجی ساییلیر ، بالالاریمیزین اوز آنا دیللرینده دوشونوب ؛ میللی کیملی یینی قازانیب ، شخصیتلری نین تکامولونو قارشی سی آلیناراق ، اونلاردا اوزونو کیچیک گورمه کومپلئکس لرین یارادیلماسینا چالیشیلیر.

بیز ایستیقلالچیلار بیرلی یی اولاراق بو جینایت ، کولتورل قتل عاما و ایشغالا قارشي میللتیمیزی موقاویمته چاغیریر. هربیر آذربايجانلی نين ميللی و ويجداني بورجو اولدوغونا ایناناراق ، عائله لردن بیر مهرده، مکتبلرين آچيليش گونونوده مکتبلری بایکوت ائتمه یه وبالالاریمیزین بیرینجی گون مکتب لره گئتمه مه لرینی تکلیف ائدیریک.
هئچ شبهه سیز قورتولوش گونو چوخ یاخیندیر!
یاشاسین آنا دیلیمیز
یاشاسین آذربایجان!
رد اولسون ایشغالچی- ایرقچی تئهران رئژیم
گونئی آذربایجان ایستیقلالچیلار بیرلی یی
۲۵.۰۶.۱۳۹۷

Your email will not be published. Name and Email fields are required