کورد مسئله سی آذربایجان تورک میللتینی دوشوندوره ن مسئله لردن بیریدیر.

کورد مسئله سی آذربایجان تورک میللتینی دوشوندوره ن مسئله لردن بیریدیر. آذربایجانین قونشولوغوندا یاشایان کوردلرین ایچینده رئالیقدان اوزاق اولان گروپلارین وار اولماسی و بئله گروپلارین آزربایجان توپراقلارینا گوز تیکمه سی هرکسه معلومدور. طبیعی اولاراق ایران اشقال رئژیمی و منطقه ده اوز چیخارلارینی دوشونن خاریجی دوولتلر کوردلرین بو ادعالاریندان مهارتله یارارلانیرلار. آزربایجان توپراقلارینا گوز تیکن کورد باشچیلاری دا بو کئچیجی و مقصدلی حمایه لری فرصت بیله ره ک فایدالانماغا چالیشیب، اوز اوزون وعدلی چیخارلارینی دیقته آلمادان راحتجاسینا اویونا گلمیش اولورلار. سون گونلرده آچیقلانان ایران اشقال رئژیمی نین کورد باشچیلاری ایله قاپی آرخالاریندا گوروشمه لری فتنه نین بویوتلارینین گورسترگئسیدی . رئژیم چئشیدلی دووره لرده ده کوردلرین تانینمیش شخصییتلری ایله گوروشوب، سونرادا اونلاری تئرور ائتمه لری ده هر کسه معلومدور.
بوگون رئژیمین آغیر سیاسیی، ایقتیصادی بوحران ایچینده اولدوغو بیر آندا تیکرار کورد باشچیلاری ایله دانیشیقلار آپارماسی مقصدلی بیر آددیم دیر. اونلاردان ماشا کیمی یارارلانماق ایسته ییر. خصوصیله آذربایجان وعرب میللتلری نین قورتولوش موباریزه سی ایران ترور رژیمینه ان جدی تهدید اولدوغونا گوره رئژیم کوردلرین یولون آچیب سلاحلاندیراراق اله جه ده اونلارین ادعا ائتدیکلری توپراقلاری وعد ادره ک گونئی آزربایجانا سالدیریلارینین یولون هامارلایب و بو واسطه ایله ده اونو تهدید ائدن ان گوجلی قووه نی (گونئی آزربایجان میللی حرکاتینین) باشقا جبهه ده مشقول ائدرک یاراینمیش بحرانی وضعیتدن گچیت فکرینده دیر. ایران اشقال رژیمی بوردا بیر اوخلا نئچه هدفی ورماغا چالیشیر.
۱. کوردلری قارشیسیندانسا یانینا آلیر و بیر اورگانیزه مخالیفدن خلاص اولور.
۲. کوردلری آزربایجان و عربلره قارشی قولاناردق بو ایکی گوجلو مخالیف اوزوندن اوزاقلاشدیریب باشقا جبهه ده مشغول ایتمک ایستییر.
۳- کورد باشچیلا یلا آنلاشاراق اونلارا قارشی کنترولو سالدیریلا بیر ایکی کورد اولدورورک اوز نو آزربایجانین قوورویوجوسو کیمی گوستریب اطلاعات مامورلا ینی ایشه سالا اق رئژیم پاسدارلارینین شهید دیه تبلیغات آپاریب آزربایجانلیلارین حمایسین قازانماق.
۴-.کوردلری آزربایجان اراضی لرینه یئرلشدره ر ه ک آزربایجان تورکسوزلشدیریب یوخ ائتمک .
۵- آزربایجان تورکیه آراسیندا دموگرافینی دیشدیریب باغلانتینی کسمک و… بونا گوره ده داخیلی بوحران شراییطینده کوردلردن باشقا میللتلره قارشی ویریجی گوج کیمی ایستیفاده ائتمه یی دوشونور. او آندا اوزونو واسیطه چی کیمی کوسترمک نییتینده دیر. آمما بئله بیر اویون کورد خالقی اوچون خوش بیر نتیجه وئره ن بیر ایش دئییلدیر. خصوصیله آذربایجانلیلار کوردلرله یاخشی قونشولوق علاقه سی ساخلاماق ایسته دیی حالدا آزربایجان توپراقلارینا گوز تیکه نلرله قارشی دا کسین موباریزه آپارماغا قرارلیدیر. البته اونلارین بو حرکتلری اوز خالقلارینا خئییر گتیرمییه جکدیر. توپراق ایدعاسی قبول ائدیلمه زدیر. تئهرانین اشقالچی رئژیمه اویوب اویونا گلمه لری اوزون وعده لی اولاراق کوردلره یاخشی نتیجه باغیشلامییاجاقدیر. بئله اویونلارین آپاریلدیغی بیر شراییطده اوزوموزو او میللتیمیزه چئوریب دئمک ایسته ردیک کی ، میللتیمیز چوخ آییق و هر جهتدن حاضیرلیقلی اولمالیدیر. ایرقچی رئژیمین کوردلشدیرمه سیاستینه قارشی جانی و مالی فداکارلیغا حاضیر اولمالی ییق. قاراباغ تیکرار اولونمامالیدیر. رئژیمین اویونجاغینا چئوریله ن کورد گروپلارینا قارشی اونلارین آنلایاجاغی دیلده جواب وئریلمه لیدیر. بونودا خاطیرلاتماق یئرینده اولارکی، کورد و آذربایجان میللتلری نین اورتاق و آنا دوشمنی ایران اشقال رئژیمی دیر . او هدف آلینمالیدیر. اونا قارشی اورتاق موباریزه داها الوئریشلی و مقصده اویقوندور. بیر ـ بیریمیزه قارشی دورماق تئهران رئژیمی نین ایسته یی دیر . آشکارجا اوز الینی قانا باتیرمادان گلیب واسیطه چی رول اویناماق ایسته ییر.باشقا سوزله دئسک، اوز آغالیغینا شرعییت قازاندیرماق نییتینده دیر. بونا ایجازه وئریلمه مه لیدیر

محو اولسون ایران اشقال رئژیمی .. .
گونئی آذربایجان ایستیقلالچیلار بیرلیگی

Your email will not be published. Name and Email fields are required