کورونا ویروسوندان دوغان سالقین سایریلیغی ( خسته لی یی )

کورونا ویروسوندان دوغان سالقین سایریلیغی ( خسته لی یی ) گونوموزون آکتوئل مسئله لریندن بیرینه چئوریلمیش بوتون دونیانی ایچینه آلمیشدیر. بو سایریلیغین داها چوخ یاییلماسی نین قارشی سینی آلماق اوچون چئشیدلی تدبیر آلینماقدادیر. تاسوفله جهالتین حاکیم اولدوغو ایران دئییله ن یئرده، بیزیم میللتیمیزین ایچینده ده بو یاییم ( پاندئمی ) سایریلیغی گئت آ گئده آرتماقدادیر.
جهالت اوستونده قورولان ایران رئژیمی لازیمی تدبیرلری آلماقدان عاجیزدیر، چونکی بونا علم و بیلیک لازیمدیر «جهالت اولان یئرده علم اولاً بیلمه ز». تاسوفله وطنیمیز، گونئی آزربایجان دا بو رئژیمین ایشغالیندا اولدوغو اوچون میللتیمیز بو جهالتین قوربانی اولماقدادیر . بو جهالتدن عذاب چکمکده دیر. بیر صورتده کی ، وطنیمیز مستقیل اولسایدی ، بئله یایلیم آزارلیقلارین قارشی سینی آلماق اوچون لازیمی تدبیرلری آلمیش اولاردی . بیز بو سایریلیقدان حیاتلارینی ایتیرمیش سویداشلاریمیزین عائله لرینه تسلیت دئمکله بیرلیکده وطنیمیزی بوجهالتدن و ایشغالدان قورتارماق اوچون ایستیقلال ساواشینا چاغیریریق.
گونئی آزربایجان استقلالچیلار بیرلیگی
۰۱.۰۴.۲۰۲۰

Comments are closed.