گونئی آذربایجان ایستیقلالچیلار بیرلییی نین کورد قوروملارینا اویاریسی!

ایران دئییله ن یئرده ۱۰۰ ایلده ن به ری حاکیمیته گتیریله ن رئژیملر، اربابلارینین گوستریشی ایله آذربایجان و آذربایجان تورکلرینه قارشی سیاستلری، بوگونکو تئروریست، ایرقچی و ایشغالچی رئژیمین دوورونده ده دوام ائتمکده دیر
خاطیرلاتماق یئرینده اولارکی، ریضا میرپنج دورونده آذربایجاندا یئرلی آدلارین ده ییشدیریلمه سینه باشلاندی . بو سیاست محمد ریضا دورونده ده دوام ائه ره ک ،بو دفعه عراقدان اولان کوردلرله یاناشی، ایران آدلانان یئرین یاشقا یئرلرینده یاشایان کوردلری آذربایجانین غرب ایالتلرینده یئرلشدیرمه یه قالخدیلار. سوزده ایسلام جیمهوریسی دوورونده بو سیاست داها رادیکال شکیلده حیاتا کئچیرلمه یه باشلانمیشدیر. ایشغالچی رئژیمین اوز اعتیرفینا گوره ایران ـ عراق ساواشیندا آذربایجانین غرب ایالتلرینه یئرلشدیریله ن عراقلی کوردلرین ساییسی ۶۰ مین نفردیر کی ، بو کئچن زامان ایچینده ، اونلارین ساییلاریی یوزمین لری آشماقدادیر. طبیعی اولاراق بو غریی آذریایجاندا بویوک چتینلیکلر یاراتماقدادیر. الیته تئهران رئژیمی بو قوناق و قاچقین کوردلرین یالنیز آذربایجاندا یئرلشدیریلمه سی و فارس منطقه لریندن اوزاق توتماسی ،تمامیله مقصدلی اولسادا، میللتیمیز اینسان سئورلیک دویقولاری و یاردیم حسلری اوزونه رهبر توتدوغوندان، رئژیمین بو جینایتکار رفتارینا گوز یوموب، بو گه لن و گتیریلن قاچقینلارا اوز قوجاغیندا یئر وئرمیشدیر. بوگون اونلارین عراقدا خودموختار حاکمیتلری اولسادا، اونلار اوز وطنلرینه گئری قاییتماییرلار.. و قاییتماقدا ایسته میرلر. طبیعی اولاراق اونلارین آذربایجاندا دوغولان اوشاقلاری ۳۵ ـ ۴۰ یاش دادیرلار. حتا بو اوشاقلارین اوزلریده اوشاق صاحیبی اولموشلار. تاسوفله اونلارا حقیقی وطنلری نین هارا اولدغو، هاردان گلدیکلری دئییلمه ییب ، اونوتدورولماغا چالیشیلیر. اونلارا یاشادیقلاری قوناق ائوینی، اوزلری نینکی کیمی گوستریرلر. بو اونلاردان قاباقکیلار اوچونده کئچرلیدیر. کئچمیش رئژیم دوورونده گتیریله ن بارزانی طایفاسی نین اوچونجو قورشاغی آذربایجان اراضی سینده دوغولماقدادیر. اونلاردا هاردان گلدیکلرینی، هارالی اولدوقلارینی دئییلمیر، عکسینه اونودورماغا چالیشیلیر. بو ساحه ده ایشغالچی تئهران رئژیمی کورد دئموکرات فیرقه سی، کوموله و باشقا کورد قوروپلاری اورتاق حرکت ائدیرلر.ائو صاحیبی اولما ایدعاسینا قالخیرلار، آذربایجان اراضی لرینی منیمسه مه یه قالخیرلار.
البته کوردلرین بو قودورقانلیغی نی حمایت ائده ن، تکجه تئهران رئژیمی دئییل، حتا بو رئژیمی حاکمییته گتیره ن اینگیلیس و آمئریکا باشدا اولماقلا ، غرب اولکه لری، و واونلارین منطقه ده اولان قوللوقچو حاکمیتلریده، اربابلاری نین بو منطقه ده اولان اوزون و قیسا وعده لی چیخارلاری اوچون ایندیلیک کوردلری حمایت ائدیب کوروکلویورلر. کورد قوروپلاریدا اوزون وعده لی دوشونمک یئرینه اونلارین مالی، نیظامی یاردیملارینا آرخالاناراق قوناق ائوینی ـ غربی آذربایجانی کوردوستان دییه گوسترمه یه چالیشیرلار.
بیز گونئی آذربایجان ایستیقلالچیلار بیرلیی اولاراق کورد سیاسی قوروملارینا خاطیرلاتماق ایسته ییرکی، آرانیزدا اولان تئرورچو قوروپلارین بو یئرسیز ایدعالاری هر ایکی میللتین قیسا و اوزون وعدلی چیخارلاری اوچون ضید اولان بیر حرکتدیر، بو آنجاق آدی کئچن بویوک دوولتلرین چیخارلارینا خیدمت ساییلر. میللتلریمیز آراسیندا دوشمنچی لی یه ، یئرسیز قان توکولمه لره آپاریب چیخاردا بیله ر. بیز بوندان یانا دئییلیک، قونشو میللت اولاراق، میللتلریمیزین ریفاهی، یاخشی قونشولوق موناسیبتلری نین قورولماسی، بیر ـ بیرینه دایاق اولماسی هر ایکی طرفین هدفی اولمالیدیر.
بونودا خاطیرلاتماق ایسته ییریک کی، توپراقدان پای اولماز، لازم گلیرسه آذربایجان میللتی اوز دوغما وطنینی و اونون اراضی بوتونلویونو قوروماغا قادیردیر.

گونئی آذربایجان ابستیقلالچیلار بیرلییی
۲۰۲۰

Comments are closed.