۱۰ آبان حماسه سی!

۱۰ آبان حماسه سی!

تبریزده کئچیریله ن سون فوتبال یاریشی آذربایجان میللی قوروتولوش و آزادلیق حرکاتین دا یئنی بیر مرحله نین باشلانقیجیندان خبر وئریر. باشقا سوزله دئسک ، بیر عطف نوقطه اولاراق ده یرلندیرمک اولار. اورادا وئریله ن پلاکات بیر ایتمام حجت دیر. بو او دئمکدیرکی ، آذربایجان میللتی اوز ایستیقلالییتینی الده ائتمک اوچون قرارلی دیر. بو دورومدا ایرقچی تئهران رئژیمی و بوتون ایرقچی فارسلار دیرکی قرار وئریب ، هانسی یولو سئچه جکلرینی دوشونمه لیدیرلر. لاکین کئچه ن سون گونلرده آذربایجانلیلارا قارشی وئردیکلری سووشلر و ۲۱ آذر قتل ـ عامینی تیکرارلایاجاقلارینی دیله گتیرمه لری تاسوف ائدیجی اولسادا تاریخدن درس آلمادیقلاری نی و اینسانی ده یه رلردن نه قده ر اوزاق اولدوقلارینی گوسترمکده دیرلر.
فوتبال یاریشینا دوندوکده« آذربایجانین ایراندان آیریلماسی پروسئسینده بیز بیرنفرینده بورنونون قاناماسینا راضی دئیلیک ، بو ایشده بیز چئک و ایسلاواکلار آراسیندا اولدوغو کیمی دانیشیقلار یولو ایله آپاریلماسی نین طرفداری ییق. بو آذربایجاندان یوخ، فارس ایرقچی شوونیستلرینده ن آسیلی دیر. عکسی تقدیرده کئچمیش یوگوسلاوییادا اولان جینایتلر ین شاهیدی اولاجاییق(۱)»
۲۵ ایلده ن سونرا بو پیشنهاد و ایسته یین فوتبال مئیدنیندا سسلنمه سی میللتیمیزین میللی حرکانین مستقیللی یه اولان اینام و اولقونلوغون گوسترگه سیدیر.عین زاماندا وطن ، توپراق ، میللت آزادلیق و مستقیل لییمیز اوچون اولمه یه حاظیر اولدوغوموزو دیله گتیرمکدیر. هئچ بیر زامان مستقیللیکدن واز کئچمیه چه ییمیزی بیلدیرمکدیر. بیز ایستیقلالچی تشکیلاتلار اولاراق میللی حرکتیمیزده باشلانان بو یئنی مرحله اوچون غرور دویوب ، بو جسارتی گوستره ن قوروم و سویداشلاریمیزا مینتدارلیغیمیزی بیلدیرمک ایسته رییریک.
بوفوتبال یاریشیندا قونشوموز و سویداشیمیز قارداش تورکیه نین «باریش پیناری » حرکاتی نین دستکلنمه سی میللی بایراغیمیزین یانیندا تورک بایراقلاری نین دالغالانماسی بو ایکی میللت آراسیندا اولان صمیمی باغلارین اولدغونو سرگیله مکدیر. آذربایجان میللی حرکتی نین بو حرکتی چئشیدلی اینقورماسییا کاناللاری طرفینده ن اوز گوروشلری اساسیندا یوروملانماقدادیر. طبیعی اولاراق بو یوروملامالار دوست و دوشمنلریمیزین کیملر اولدوغونو بیزه گوسترمکده دیر. آمما بو حقیقتی ده هر کس بیلمه لیدیرکی ، آذربایجان قورتولوش حرکاتی میللتیمیزین اوز ایستکلری و حاقلاری اوغروندا تاریخیمیزدن ، میللی وارلیغیمیزدان دوغان مستقیل بیرحرکاتدیر ، هئچ بیر یئره و دولته باغلی دئییلدیر.

بیز ایستیقلالچیلاربیرلی یی اولاراق آپ آچیق بونو قئید ائتمک ایسته ردیک کی :
»بیز بوتون قونشولاریمیزلا قارشیلیقلی احترام ایچینده یاشاماق ایسته ییریک .بیر ـ بیری نین وارلیغینا حورمت قویماقلا یاناشی بیرـ بیری نین ایچ ایشلرینه قاریشماما قایداسینی قبول ائدیب ، منطقه میزده و دونیا میللتلری آراسیندا باریش ، یولداشلیق ،و امکداشلیغین طرفداری ییق«

آذربایجان میللی حرکاتی ایرقچیلیغا دایانمایان بیر حرکتدیر

چونکی اوزو ایرقچیلیغا قارشی ساواشیر . بیر میللت اولاراق اوز طالعینی اوز الینه آلماق ایسته ییر. بو حرکت هئچ بیر میللته اولوم شعاری وئره ن بیر حرکت دئییلدیر. عکسینه بوتون اسیر میللتلرله بیرلیکده اورتاق دوشمنیمیز اولان فارس ایرقیچیلارینا قارشی موباریزه آپاریر ، فارس میللتینه قارشی خئییر بو توپ یاریشی بیزیم وحدتیمیزی گوستره ن بیر حرکت ایدی. بو بیرلی ییمیزی داهادا تمله اوتورتمالی ییق. وتشکیلاتلانمالی ییق، هر جهتده ن تداروک گوروب ،حاضیرلانمالی ییق

Your email will not be published. Name and Email fields are required