۲۰یانووار فاجیعه‌سی، آزربایجان میللتینین عموم ملی ماتم گونودور

۲۰۰ ایلدن به ری آزربایجانین آزادلیغی و اراضی بوتوو‌لويو اوغروندا آرازین هر ایکی تاییندا میللتیمیزین آپاردیغی چئشیدلی موباریزه لر، قهرمانلیق صحیفه‌سی لری اولاراق تاریخیمیزده قئید ائدیلمیشدیر. ائله ۲۰یانوواردا میللتیمیزین آزادلیغی اوغروندا آپاریلان بیر قهرمانلیق سیمگه سیدیر .
۱۹۹۰- نجی ایل یانووارین ۲۰ سینه کئچه ن گئجه جینایتکار گورباچوف ون بویوروغو ایله سوویئت اوردولاری اوچونجو دفعه آزربایجان اراضی سینه سوخولوب میللتیمیزین آزادلیق و مستقیللی یی اوچون آیاغا قالخان میللتیمیزین سه سینی بوغماغا چالیشدیلار. آمما بو دفعه قاباقکی ایشغاللاردان فرقلی اولاراق میللتیمیزین ایراده سی نی و مستقیللی یه اولان ایمانینی داها تانکلارلا ،سونگولرله یوخ ائتمک مومکون دئییلدی. سونوندا اوزو سولو ، باشی آشاغی وطنیمیزی ترک ائتمک زوروندا قالدیلار. آنجاق اوزو قارالیق روسلارا و اونلارین رهبرلرینه قالدی.
میللی آزادلیق و باغیمسیزلیق اوچون مبارزه یه قالخمیش دینج اهالی نین اوستونه تانکلاری سوروب تانک تکرلری نین آلتیندا ازمه لری و آتدیقلاری گولـله لریله یوزلرجه گوناهسیز اینسانی قتله یتیردیلر . باکی داکی شهیدلر مزارلیغی بو جینایتلره جانلی بیر سنددیر. بیر میللتین ایراده سی قارشی سیندا دونیانین بوتون گوجلو اوردولاری بوتون دیزه کوچمه یه محکومدور.

گورولدوغو کیمی میللتیمیزین مستقیللیک اوغروندا باشلاتدیغی ساواشیمی قان ایچینده بوغماغا چالیشسالاردا باشاریلی اولمادیلار. بو بیز گونئی لیلر اوچون تاریخی بیر درسدیر.
بیز ۲۰ یانووارین ایلدونومونده بو شهیدلریمیزین قارشی سیندا باش اییب اونلارا دئمک ایسته ییریک، سیزین گئتدی یینیز مقدس یولو بیز گونئی لیلر ده وام ائتدیره جی ییک، سیزین جانفشانلیقلارینیز نتیجه سینده ، الده ائدیلن قوزئی آزربایجانین مستقیللی یی بوتوو آزربایجان میللتی نین غرورودور.

گونئی آزربایجانلیلاردا بو یولو گئده جکلر، کیمسه بیزلری تئهران رئژیمیندن قورخودا بیلمه ز. یاخود بین الخالق زورلوق و چتین لیکلر بیزی اوز یولوموزدان آییرمییاجاقدیر. بیز گونئی لیلر ده اوزموزو کوله لیکدن فارس ایرقیچیلاری نین مستملکه سیندن قورتارماغا قرارلی ییق . بیزلر قوزئی ده کی باجی – قارداشلاریمیزین تجروبه لریندن فایدالاناراق اوز حاقلی داوامیزی سوردوره جه ییک .
میللتیمیز هر جور فداکارلیغا حاضیردیر . چونکی بونو بیلیرلرکی مستقیللی الده ائتمک ، آنجاق اینام و فداکارلیقلا مومکوندور .

Your email will not be published. Name and Email fields are required