۲۱آذرین ۷۴ نجو ایلدونومو

سوزده ایران دئییله ن یئرده یادلارین الی ایله حاکمیت الیمیزده ن آلینیب ، آنا وطنی اولان آذربایجانی پارچالانیب، مستعمره حالینه دوشورولوکدن سونرا ۲۱ آذرله میللی دوولتچی لیمیزین برپاسینا چالیشیلمیشدیر. تیکرار یادلارین الی ایله قان دریاسیندا بوغولان ۲۱ آذرین خاطیره سی میللتیمیزین یادداشتیندا یاشاماقدا و یاشادیلماقدادیر.
بو ایل ۲۱ آذرین ۷۴ ـ نجو ایلدونومو عرفه سی قاباقکی ایلدونوملرینده ن فرقیله نیر . مستملکه چی ـ ایرقچی تئهران رئژیمی اولکه نی دوشوردویو ایقتیصادی ، سیاسی و ایجتماعی بوحرانین باش آلیب گئتمه سی ، ایران آدلانان میللتلر دوسداغیندا ایندیلیک یاشاماق زوروندا اولان میللتلرین دوزومونو توکتمیش، صبیرکاساسلارینی داشماسینا سبب اولموشدور. اولکه پاتلاییش ایچینه سوروکلن مکده دیر سیراوی وطنداشلار گونلوک چوره کلرینی تاپماقدا بئله چتین لیک چکیرلر، یوخسوللوق باش آلیب گئتمکده دیر.
دوغما وطنیمیز آذربایجاندا میللتیمیز بو آغیر و چیخیلماسی مومکون اولمایان بوحرانین یوکونو داشیماقلا یاناشی ، اوسته لیک سوزده مسلمان ایرقچی ، پان فارسیزم، مستعمره چی و تئروریست تئهران رئژیمی نین باسقی لاری دا بونا علاوه ائدیلمکده دیر. بو سون گونلرده اولان عمومی اعتیراضلار سوزده مسلمان، حقیقتده دین و بشریت دوشمنی اولان رئژیمین آپاردیغی سیاستلرین نتیجه سیدیر. رئژیمین وحشی لیکلرینه باخمیاراق میللتیمیز باشقا میللتلرله بیرگه بو عمومی اعتیراضلارا قاتیلیماقلا یاناشی ، اوز میللی حاقلارینی الده ائتمک اوچون ایستکلرینی ده دیله گتیرمیشدیر. یعنی موباریزه نین یئنی بیر مرحله سینه آیاق باسمیشدیر. بونا گوره ده بو ایل ۲۱ آذرین ایلدونومو قاباقکی ۲۱ آذرلردن فرقیله نیر. .گورونور کی، میللی قووه لریمیز تشکیلاتلاناراق عزیملی شکیلده حرکت ائده ره ک قورتولوش موباریزه میزی سوردورمکده دیرلر، بو ساواشین دوامی اولاراق :
بیز ایستیقلالچیلار آذربایجانیمیزدا ایمکان داخیلینده ایرانچیلیق و فارسچیلق سمبوللارینی یوخ ائتمه یه چالیشیب ، یئرینه میللی سمبوللاری قویمالی ییق:
– کوچه ، محلله ، خیابانلاردا فارس آدلارینی سیلیب (قارالاییب ) تورک آدلارینی ، میللی شخصیتلریمیزین آدلارینی یازمالی ییق.
– ایرقچی ، مستملکه چی و ایشغالچی رئژیمین سوزده رهبری نین باسقیجی تئروریست کمیته لرینین یئنی دن قورولماسینا قارشی ، هر محله ده دیره نیش کومیته لرین یاراداراق میللتیمیزی فارس و کورد جنایت و سوی قیریم لارینا قارشی قورومالییق.
– ایشغالچی رئژیمین آسیمیلاسیون سیاستینه قارشی، ایش آداملاری و خییر وطن سئوه ر لریمیزه بویوک ایش دوشور. ایندی کی رئژیم دوولت ایمکانلاری ایله آنا دیللیمیزین اوره نمه سینه قارشی چیخیر ،اوزل مکتب لر آچیب و اونا یوکسک قاتیلمامیز ایله وارلیغیمیزا صاحیب چیخدیغیمیزی گوسترمه لییک .
– ۲۱آذر ده میللی گئییم لریمیزی گئیمه یه جهد ائتمه لی ییک.
– – فارس رادیو ـ تیلویزییونلاری نین یئرینه آذربایجانیمیزین و تورک کانالارینی سئیر ائدیلب ، تبلیغ ائتمه لی ییک. ایران فارس قازت ،ژورنال و سیته لرینی بایکوت ائتمه لی ییک.
– میللی قورولوشلاریمیزین ایچینده شخصی ایختیلافلاری بیر یانا قویوب، میللی هدف اوغروندا یاخین امکداشلیغا گئتمه لی ییک. رئژیمین پارچالاما سیاستینه قارشی قویمالییق .
– دوولتچی لییمیزین سمبولو اولان ۲۱ آذرده بیرـ بیریمیزه تبریک دئییب ، تبریک کارتلاری گونده رمه لی ییک ، بو موناسیتله بویوکلره و اوشاقلارا تورک دیلینده اولان کیتابلاری هدییه ائنمه لی ییک.
– وطنیمیز آذربایجانین آزادلیغی و باغلی سیزلیغی اوغروندا جانلارینی قوربان وئره ن شهیدلرین باسیریقلارینی ( مزارلارینی ) زیارت ائدیب چیچک قویمالی ییق.
بیز ایستیقلالچیلار بوتون وارلیغیمیزلا میللتیمیزه ، و اونون سارسیلماز ایراده سینه اینانیر و میللتیمیزین اور ایستیقلالیینی الده ائده جه یینه امین یک !

عشق اولسون وطنیمیز آذربایجانین آزادلیق و مستقیللی یی اوغروندا ساواشانلارا !
یاشاسین میللی دوولتچی لیمیزین سمبولو اولان ۲۱ آذرین اولو خاطیره سی !

گونئی آزربایجان استقلالچیلار بیرلییی
۰۸.۱۲.۲۰۱۹