۲۲ بهمن مناسیبتي ایله گونئي آزربايجان ايستیقلالچیلار بيريليگينين بيلديريرسي

۲۲ بهمن ۱۳۵۷ جي ايل ايران آدلانان يئرده شاهليق رئژيميني دئويره ن حرکت، اصلينده گونئي آزربايجان تورکونون ميللي حوکومتيميزي اوردو گوجویله ييخيب توپراغيميزي ايشغال ائد ه ن پهلوي باشچيليغيلا ايران ايشغال رئژيمينه عصيان اولاراق باش کنت ( باش شهر) تبريزده ۲۹ بهمن ۱۳۵۶ جي ايل ووردوغو اؤلومجول يوموروقدان باشلاياراق شهيد لريميزين اينتيقامي کيمي ده یرلنديريلمه‌ليدير.
۵۰ مين دن آشقين آزربايجانليني قتل و توپراغيميزي ايشغال ائديب سيلاح گوجو ايله حوکوم سوره ن پهلوي رئژيمي هر شئي بيتميش حساب ائتديگي بير آندا قهرمان تورک ميللتينين عصياني ایله مؤحکم تيترئدي.
باخميياراق کي پهلوي رئژيمي بوتون گوجوایله قدارجاسينا شهره اوردو يئريديب عصياني باسديرماغا چاليشدي، آنجاق خالقين ايراده سيني سينديرا بيلمه يب و قيسسا زامان، آزربايجانين بوتون شهرلري کيمي ايران آدالانان يئرينده باشقا شهرلرينه سيچراييب و هر يئره ياييلاراق بؤيوک اينقيلابا چئويرليب،نهايت ۲۲ بهمن ۱۳۵۷ ده شاهليق دوورونه سون قويدو.

شاه رئژيمينين چئويرليشي ایله آزربايجان تورکو گونئي آزربايجانين بوتون ساحه ده کونترولونو اله آليب و دئموراتيک فضا ياراداراق خالقين امنييت و آسايشين ساغلاميشدير.
نه يازيق کي ميللي حوکومت دونئمينده اولدوغو کيمي ،ايران مرکزي حوکومتينه قارشي جيدي تدبيرلر آلينماماسيندان دولایي آزربايجان تورک ميللتي قتل عام اولاراق، فارس شيعه ايرتجاجي رئژيم يئنيده ن توپراقلاريميزي ايشغال ائديب و بوتون امکلريميزی غارت ائتميشدي.

بونا گؤره ده بوگون گونئي آزربايجان ميللي حرکتي صيرف ايستيقلال هدفي ایله آياغا قالخيب و ايران مرکزلي دوشونجه ایله یوخ ، بلکه میللی و موستقيل حرکئت اتمکده دير.

گونئي آزربايجان ايستيقلالچيلار بيرليگي ۲۲ بهمن اينقلاب غلبه سیینی تبريک ائده ره ک بو حاديثه لرين بير داها باشيميزا گلمه مه سي وموباريزه ميزین مصاديره اولونمامامسي و يئنيدن قتل عام و ايشغالا معروض قالمامق اوچون بوتون آزربايجانليلاري ايستيقلال موجاديله سي اوغروندا گونئي آزربايجان ايستيقلالچيلار بيرليگينه قاتلاراق تشکيلاتلانماغا چاغيرير.

رد اولسون ايشغالچي ايران فارس رئژيمي
وار اولسون موستقيل گونئي آزربايجان

گونئي آزربايجان ايستيقلالچيلار بيرليگي

Your email will not be published. Name and Email fields are required